今日暫且不提官場，講一講教會。流行講法是，經濟不景，人心要求慰藉，信教的人會增加；但原來這是一廂情願講法。與《公教報》總編輯夏其龍神父碰面，他描繪的是另一個世界。
他說：「經濟唔好，教徒奉獻都少咗。幫手數錢嘅同工話，𠵱家多咗一蚊呀、五毫呀、五蚊呀，以前數親多數係二十蚊、五十蚊、一百蚊，個別更加有五百蚊。」
他感覺來教堂的人明顯少了。夏說，教會內好多教友面臨失業、減薪；他們在生活上遇到困難，好自然影響在教會的參與和與其他人關係。而要求教會幫忙的個案數字也有增加。
換言之，在經濟困境中，教會並沒有獨善其身。逆境中如何自處？「好似教會發展本身暫時要擱置吓，譬如話諗住起間聖堂，或有一啲新計劃，可能要停一停。以前比較鬆動嘅時候，推行新計劃容易啲，𠵱家諗吓兩、三年內經濟會唔會好番呀？點維持呀？推行新計劃係有困難。」
「我哋𠵱家縮減緊一啲堂區，譬如話黃大仙同新蒲崗，以前係兩個唔同嘅單位，𠵱家縮成一個，又好似以前李鄭屋邨同長沙灣係兩個單位，𠵱家都縮埋一個……」
家家有本難念的經，教會都一樣。
﹙圖﹚夏其龍神父說，經濟不景，到教會的人不加反減。
周一至周五刊出
電郵：