民政事務局常任秘書長李麗娟噚日探訪福建中學專收內地新來港學童嘅北角分校，同埋為南亞少數族裔新來港人士服務嘅楊震服務社區中心，重宣布呢兩個範疇正式合併，最少慳返一個秘書同一份會議記錄。
不過「眾人契媽」李麗娟好識逗學生玩，話香港出生率太低，新移民係香港嘅生力軍，見到新來港嘅小朋友上英文堂，又主動客串做老師。契媽更兩度失言，一次話自己鍾意食魚翅，講完即刻要補鑊，話食魚翅係政治不正確；另一次知道有個女學生鍾意食美式漢堡餐，又衝口而出話唔健康，講完知道衰咗，重笑住話嗰間美國公司會嬲到「killme（殺咗我）」。
傳真︰2623-9278
電郵︰