余文樂與陳冠希（Edison）互罵，令不和傳聞升級。張燊悅與阿樂同屬環球唱片公司旗下歌手，二人在去年亦合唱過一曲《明知故犯》，對於阿樂與Edison爭執一事，她昨日在尖沙嘴出席一活動時，卻表現得一無所知，她還反問記者：「佢哋有冇打到爆缸呀？」
不過張燊悅則力撐余文樂是個斯文人，她說：「佢好斯文，我冇見過佢發脾氣，冇聽過佢講粗口。」
而擁有余文樂經理人合約之一的「种星堂」老闆鄒世龍，昨日則撐余文樂並非囂張之人，毋須收斂。
鄒世龍昨在電話中說：「我唔覺佢份人衝動喎，啲報道誇張啫，好似啲小朋友互相碰撞，轉過頭又friend番。我好了解余文樂份人，佢唔需要收斂呀，佢都唔寸，出席啲活動從來都冇話唔畀面人嘅，佢做番自己咪得囉。」
採訪：陳梅香