《百分百感覺》易角　百分百唔順超
余文樂奪女又奪戲激爆陳冠希

余文樂和陳冠希大前晚用粗口對罵，差點大打出手，有傳除了兩人同時追求鍾欣桐而交惡外，亦有指余文樂最近接拍電影《百分百感覺》的Jerry一角，原屬意由陳冠希飾演，但電影公司見余文樂走勢強勁才臨時換角，加深了兩人之間的積怨。

傳同時追求Twins成員鍾欣桐（阿嬌）的余文樂和陳冠希（Edison），大前晚在《勁歌》頒獎禮後台發生碰撞後爆粗互罵，其後余文樂更做出粗口手勢，挑釁Edison落車「隻揪」。兩人的恩怨白熱化，外傳除因余文樂追阿嬌得手，令Edison冇面外，兩人爭拍戲，亦是交惡的原因。
余文樂最近接拍了東方電影公司的《百分百感覺》做男主角Jerry，Shine的黃又南演另一男主角許樂，而女主角Cherrie則意屬Cookies的Stephy。

阿樂夠紅
臨時換主角
傳聞余文樂的Jerry角色原本是由Edison擔任，但東方電影公司方面有感余文樂的走勢強勁，所以臨時決定換角，此事令到原本已不和的余文樂和Edison的關係更加惡劣。
記者昨日就此事向《百》片監製雷宇揚求證，他說：「冇換角呢回事，可能啲人搞錯咗，因為陳冠希同余文樂嚟緊都會拍東方電影公司嘅戲。陳冠希嗰套係《奪標》，由黃百鳴監製嘅，其他主角有陳奕迅同周迅，可能出面嘅人撈亂咗，以為佢哋爭戲。我覺得余文樂同陳冠希都係好有潛質嘅後生仔，希望佢哋以後做嘢成熟啲，唔好咁衝動，呢個圈冇永遠嘅敵人。」

秋生旁觀：
「條女最開心」
余文樂前晚就和Edison碰撞事件作出交代之後，晚上十時許去了灣仔駱克道的天喜屋日本料理和唱片公司的工作人員食晚飯，至凌晨三時才離開時，記者問他關於和Edison的恩怨，余文樂說：「我唔想再講嘢嘞，多謝大家關心。」然後便坐保母車返回西環的寓所。
黃秋生昨日到港台接受訪問時，表示會叫余文樂向Edison道歉，因為黃秋生覺得肯先講對唔住才算叻仔，並說：「我覺得樂仔好蠢，佢係衝動嘅人，人哋叫佢做乜都即刻做，我諗佢同Edison係誤會啫，總之兩個都要打屁股。睇吓幾無謂，搞到𠵱家條女最開心。」