八方前幾日講過，飛俠哥頓胡應湘送咗一千二百萬股合和股份畀個仔胡文新做禮物，佢老哥噚日去外國記者會午餐會嘅時候就話，咁樣代表佢幾咁有決心退休，相信今年之內可以唔使再捱。
咁係咪暗示佢另一個心肝寶貝港珠澳大橋今年之內有決定？八方就唔知喇，只知道佢退休後有乜大計。哥頓話自己退休要去「跳海」（Jumpintoaharbour），重話已物色緊碼頭去跳！
哥頓成日同人講話想搞個深水港，佢要跳海，其實係咪即係暗示退休後，全身投入搵心目中嘅港口呢？講時講，哥頓幾乎每次俾人問到民主、普選等問題，都會提起佢個乖仔，冇計啦，邊有老竇會咁有心思，幫自己個仔改名做ThomasJefferson，即係起草美國獨立宣言個位總統個名㗎。
傳真︰2623-9278
電郵︰