作為一個國際城市，香港有成五十五個領事同五十一個名譽領事，不過，隨住香港變成特區，加上乜都貴，好多國家都重新考慮係咪要喺度設立領事館，香港未來嘅國際地位真令人擔心。
好似葡萄牙咁，佢哋最近就話可能執咗香港嘅領事館，手上工作會轉移去澳門間領事館做。咁樣一嚟，就真係大件事，因為香港有成三萬八千幾個葡籍人士，駐港間領事館日日做到手唔停都應付唔嚟，如果閂埋，對葡國僑民更加不便。
除咗葡國人想走之外，八方聽聞挪威政府都有意撤走香港嘅領事館，原因亦係香港嘅租金太貴，八方向挪威領事館求證，佢哋話遲啲先講畀八方知；港府就更無奈，話走唔走係人哋嘅主權，政府冇嘢可講喎。挪威總領事好似都住喺嘉慧園，老董竟然連鄰居都留唔住。
傳真︰2623-9278
電郵︰