庸醫錯斷死胎　終日淚洗面
郭錦恩懷孕三月失而復得

郭錦恩昨日出席信用卡活動時，宣布懷孕三個月。郭錦恩透露懷孕初期往檢查時，婦科醫生指其腹中胎兒停止心跳，勸她做流產手術。幸虧她找另一醫生檢查發現胎兒十分健康，只是虛驚一場，但卻令她當初每日以淚洗面。

大華銀行與OrientalCityGroup聯手推出首張以女性為主題的信用卡，昨日於尖沙嘴半島酒店Felix舉行記者會，並即場頒贈信用卡予郭錦恩、廖碧兒、陳嘉容、李嘉慧和方子璇等人，同場更安排一場hairshow，張燊悅及徐子淇即場示範二○○三年最新髮型。

「喊咗成個禮拜」
已是一子之母的郭錦恩，昨日穿上鬆身裙出席，問她是否再度懷孕，她大方承認現已懷有三個月身孕，預產期是七月，她暫時未照超聲波看BB的性別，但她表示懷這胎十分難忘，更有失而復得的感覺。
郭錦恩說：「我陀BB頭兩個月時，去中環一個婦科醫生度做檢查，佢竟然同我講話BB冇咗心跳，話幫我做流產手術。我聽完之後直情覺得係世界末日，喊咗成個禮拜。」

徐子淇變AV女
郭錦恩續說：「後來我唔忿氣，去另一個醫生度check，佢話我BB不知幾健康。咁我咪返去問番嗰個要我做流產手術嘅醫生，佢竟然道歉都冇句，淨係面都紅晒咁話『咁恭喜你囉，呢份可以話係你最好嘅聖誕禮物啦』，遇上啲咁唔負責任嘅醫生，真係隨時冇咗條小生命。
「我老公都話唔知係咪上次我聽到話要做流產手術嘅壞消息後，情緒起伏太大，反而刺激咗BB嘅生命力。」
另外，徐子淇昨日稱其舅母剛從日本旅行回來，在色情場所氾濫的新宿歌舞伎町街頭，其舅母看見一張徐子淇十四歲時拍下的照片，但卻被用作為色情單張，她說：「單張寫住四十分鐘八千日圓（約五百二十港元），哼，咁平？我喺日本都有簽經理人公司，一定會追究到底。」
採訪:RitaLeung、JessicaNgan
攝影:MatthewLam