踏入○三年，香港嘅電訊市場正式全面開放，各大電訊商雖然暫時未有任何動靜，但九倉新電訊卻再次宣布改名，新名係「九倉電訊」。八方屈指一算，佢地九五年攞牌至今，大大話話都改咗幾次名，先由「香港新電訊」改做「新電訊」，其後又改名為「九倉新電訊」，家吓又改做「九倉電訊」。
八方同佢哋嘅市務總監張東林傾過，佢話個「新」字始終有學牌嘅味道，做咗七年幾，都可以放低個學牌，況且今年市場全面開放，亦正好藉機顯示公司嘅市場地位，面對新舊競爭者挑戰。間公司自己就話新名稱可凸顯同母公司關係；咁又會唔會同太上皇（吳光正）回朝有關？自己估吓啦，隆豐同會德豐嘅前科，記憶猶新呢。
（圖）九倉電訊嘅新Logo。
傳真︰2623-9278
電郵︰