余文樂昨日召開記者會，解釋與陳冠希前晚在紅館後台因碰撞差點大打出手一事，他聲稱雙方沒有動粗，只是場面混亂，所以有少許碰撞，同時亦否認有講過粗口。
余文樂和陳冠希前晚在紅館後台發生碰撞，差點大打出手，昨日余文樂在香港仔深灣遊艇會出席《車主》雜誌的宣傳活動時，特別就此事再召開記者會，解釋事件發生經過。
余文樂否認自己曾講過粗口，起初亦否認有碰撞，他說：「我好想講，（紅館後台）條通道真係好多人，但冇發生過所傳嘅打交、碰撞、出手，或有任何打鬥場面。各方面嘅人以為有事，所以先拉開我哋，因為當時嘅情況好混亂。」
其後問余文樂與陳冠希兩人為何會發生碰撞，余文樂才承認說：「即係好似好迫人咁嘅碰撞，太多人，好多人出入所以先有誤會，之後重傳聞話（我）俾人打到眼腫，如果真係我點可以去到慶功呀？當時好多工作人員、好多藝人都喺度，好混亂，至於點解會有咁嘅誤會就唔清楚嘞。」
對於有傳聞指當時火藥味甚重，余文樂說：「火藥味係大家營造出嚟嘅氣氛啫，當時大家係好緊張，因為好似好混亂咁。我要講，第一，冇事，第二，雙方面都冇事。」
記者會完結前，余文樂再次強調說：「係場面混亂，但係冇郁手。」不過當他臨離開前又回頭說：「其實噚晚陳冠希家姐陳見飛都喺入面，你哋可以問番佢，佢會好清楚。」而陳見飛經理人小婧昨日接受本報訪問時說：「陳見飛當時喺後台見到佢哋碰碰撞撞，之後余文樂同陳見飛講『嗱，你睇到啦』，陳見飛就話『sorry，件事唔好彩已經發生咗，你哋應該尊重返個場合，去慶功宴。』」
此外，陳冠希的緋聞女友陳文媛昨日凌晨在《勁歌》慶功宴上，得悉陳冠希和余文樂差些大打出手表現愕然，她說：「吓，我唔知喎，我覺得佢（Edison）唔會咯，我識得嘅佢係唔會打人咯！」
採訪：王連連
攝影：仇志德
