賣豬肉賣冰鮮雞都先後惹起風波，以致剛推出平價米嘅百佳超級市場，近期又有新猷，就係搞演唱會門票銷售，都唔到你唔服。
今次佢哋話只要喺百佳購物滿八百蚊，就可以八折優先訂購金童子奇里夫李察（CliffRichard）香港演唱會門票，呢位樂壇長青樹今年三月就會來港獻唱，門票竟然可以喺百佳同屈臣氏酒窖買得到，超市嘅服務可謂愈嚟愈多元化。
講開屈臣氏酒窖，同一集團嘅屈臣氏蒸餾水為慶祝百周年誌慶，今日會舉行一連串嘅慶祝活動，分別喺尖沙嘴海旁舉行百人步操表演，又會喺天星碼頭免費派發一千件百周年紀念蛋糕，去開嗰頭嘅讀者，不妨去碰吓運氣吖。
傳真︰2623-9278
電郵︰