八方有日下晝三點三突然肚皮鐘鼓齊鳴，餓到飛起，但係袋裏面得番十皮，為難之際，居然見到一個十皮都唔使嘅下午茶餐。
呢度就喺中環中心樓下一檔開張咗幾個月嘅快餐店，八蚊就有一件多士加一杯奶茶。
快餐店嘅老闆伍先生原來係餐飲業初哥，喺呢個消費力奇弱，飲食業市道奇差嘅年頭，居然夠膽逆市開業。佢話就係因為家陣經濟唔好，連中環人都要節衣縮食，所以平靚正嘅快餐大有可為。
雖然快餐集團最近搏命減價，小伍就話冇有怕，皆因中環人對快餐都有要求，連鎖快餐好多嘢係整定晒，個體戶就即叫即整，好食好多。中環人即係中環人，就算窮，都窮得有品味。
（圖）興隆快餐推出特價下午茶，八元就可以飲一杯嘢加一款食物。
傳真︰2623-9278
電郵︰