有次路經某健康用品店，朋友甲一見到部價值二千大洋的腳底按摩機，即嗤之以鼻表示：「去深圳都係三、四十蚊咋！不如你畀錢我幫你揼好過啦！」的而且確，家用的按摩器材愈來愈普及，但價錢就無乜點減過，相信大家都想知道，究竟用二千幾蚊買部腳底按摩機值唔值，定係人手按摩先至特別爽，今次一於請嚟按摩院老闆娘Angel，以及有「深港小骨女」之稱的Irene，分別以專家同用家身份進行測試，睇吓邊款按摩機最有睇頭。
記者：尹珊珊
攝影：楊錦文
鳴謝：足婷軒（28385338）
呢部按摩器結合了傳統中國人的腳底按摩及西方電波療法的功能，以15種自動程式電波和高達50種力度來刺激腳底穴道，進行反射治療，可謂對症下藥。初試會有種俾針拮的麻痹感覺，適應後就連小腿、膝蓋及大腿都會有強烈反應，每日做20-30分鐘療程，有助消除水腫及改善腳患毛病。如果屋企啲老人家本身有腫瘤、心臟疾病、裝有心臟起搏器，購買時就最好先詢問醫生意見。
優惠價$2,388（OTO）
同樣屬傳統式的滾筒式腳底按摩機，號稱功效有如做人手按摩，只因市面一般舊式的滾筒式按摩機，滾珠數目約16至18粒，形狀只得2、3種，但此機卻破天荒用上32粒、合共有8種不同形狀的滾珠，配合兩個滾動方向及4個按摩力度，令腳底與滾珠之間更加貼身，除了可以深入按摩腳底，重可以兼顧腳側、腳踝、腳趾、腳背等部位。
同樣屬傳統式的滾筒式腳底按摩機，號稱功效有如做人手按摩，只因市面一般舊式的滾筒式按摩機，滾珠數目約16至18粒，形狀只得2、3種，但此機卻破天荒用上32粒、合共有8種不同形狀的滾珠，配合兩個滾動方向及4個按摩力度，令腳底與滾珠之間更加貼身，除了可以深入按摩腳底，重可以兼顧腳側、腳踝、腳趾、腳背等部位。
$2,388（OTO）
Angel：「呢部機比電流按摩機舒服得多，感覺上唔會一味得個震字，雖然同樣都係無針對性，但係可以叫做促進血液循環，累時用吓都幾過癮，不過最唔好係雙腳需要就住就住，先至可以配合個滾輪轉動，用完小腿好辛苦。」
Irene：「我就覺得電流機舒服少少，至少按摩感覺更加顯著，亦都冇話要就住就住，係覺得有少少痕啫！」
最大賣點係結合腳部及背部按摩功能於一身，可以一機兩用，其次就是此機內有名為「波動圓盤」的專利揉揑滾輪，特點是表面設有依人體曲線而設計的凸粒，以左右兩方移動和揉揑的方式按摩腳部，感覺更加顯著同深入，至於同時兼具的滾動功能，其所選用之滾輪是根據足部同手部的曲線設計，使用時更為貼身之餘，亦可有節奏地刺激穴位。
$1,998(OSIMhealthfocus)
一部電動按摩器動輒過千蚊埋單，如果唔想一下子畀咁多錢，但又想感受吓腳底按摩的滋味，可以試試下列各種手動按摩器具，雖然無電動機器唔使自己郁手咁舒服，但勝在平平哋幾十蚊都有得玩。
一式三款的膠質按摩工具，基本上都是用來按摩腳底中央位置，但由於體積輕巧，方便在無人為意的情況下於辦公室內使用，最適合工作上需要長期站立或走動的人士。
$19-$31(city'super)
望落似一個圓筒狀的透明膠水壺，其實係畀你注滿60oC水溫的暖水入內，再放在地下，用腳底慢慢推動，造成促進血液循環及按摩效果。
$55(city'super)
售賣點
OTOBodycare
地址：銅鑼灣時代廣場7樓729至730號舖
電話：25061123
OSIMhealthfocus
地址：旺角新世紀廣場5樓529號舖
電話：22644600
健一番
地址：銅鑼灣時代廣場8樓822號舖
電話：25062198
city'super
地址：銅鑼灣時代廣場地庫一層
電話：25062888