細價股事隨住鄺其志離開港交所，表面上似乎告一段落，但金融界中人同八方講，新舊金融系統官僚之間嘅關係，就肯定唔係好似阿松同任總所講，大家「合作愉快」。
呢位仁兄同八方講咗個古仔，佢聽聞金管局班頭頭同人傾電話，理論上要寫低同邊個講，講咗乜嘢，連同官員傾電話都要記低。
不過以往大家係「自己人」，就唔使做到咁足，亦唔會有人講過唔認數，但係今時唔同往日，再加埋睇到神童鄺嘅下場，大家覺得凡事都係依正規矩做事好，於是以後同政府有乜電話往來，傾過乜，交代過乜，都係寫得一清二楚好，唔係日後有乜嘢事追究起，有人就唔可以再用冇聽過、冇收過呢類藉口甩身！
傳真︰2623-9278
電郵︰