早排司徒華話要同班後輩講吓點樣做一個「硬淨」嘅政治人物，話口未完，八方就見到佢老人家竟然「上門補習」，走咗去政府總部西翼搵職工盟秘書長李卓人同民間人權陣線召集人蔡耀昌「講書」。
八方奇怪阿人係支聯會副主席、蔡耀昌喺八九「六四」開始已經參加民運，連回鄉證都俾人沒收埋，冇理由要「補習」啫？
八方事後問阿人，佢笑笑口話自己立場堅定，一定唔使「補習」，不過只係同華叔大家傾吓二十三條呢個問題，日後應該點樣「砌」，點樣先可以跟實個形勢。
阿人話佢同華叔傾完幾個鐘之後，結論係暫時乜都唔做住先，睇睇政府點出招，再謀定而後動。正所謂薑係愈老愈辣，面對呢類政治事件，華叔經驗係好有價值，佢老人家亦都好活躍，難怪民主黨不少人仍然唔信佢唔選立法會！
傳真︰2623-9278
電郵︰