呢排公務員最怕聽到三個字，就係「田北俊」，因為田大少等如「減人工」或者「冇得撈」。
噚日投資推廣署署長盧維思開記者會講吓過去一年嘅工作成果，有記者叫佢估吓十五年後中國經濟會變成點，「米老鼠」不失「超級推銷員」本色，乜嘢題目都識答。佢話十五年後中國會超法趕英，贏埋德國，成為世界第三大經濟體，僅次美國同日本。
佢重話：「到時我六十九歲，應該攞住退休金安享晚年，如果田北俊唔攞走的話。」噚日都有記者問佢投資推廣署係咪應該同貿易發展局合併，加上近排「瘦身」成風，難怪米老鼠驚到出面。
（圖）盧維思話自己可唔可以安享晚年，就要睇田大少喎。
傳真︰2623-9278
電郵︰