經紀陳早前講過，中國數碼信息（250）大股東被追數一事，幕後有錢唔還，走去接貨。結果隻股真係繼續升，小初真係要對經紀陳講過服字。不過，小初到𠵱家都唔明白，點解隻股大股東被人追數，都可以將股價愈玩愈高。
數碼信息兩個月唔夠，由3仙水平一路抽上，並脫離仙界，噚日一度高見0.133元，收0.126元，升幅仍有1.16%，但成交就明顯萎縮。
數碼信息升到今時今日嘅高位，經紀陳當然唔好意思叫小初買，但佢竟然提議另一隻高危股份，就係數碼信息個仔南海控股（680），佢話千祈唔好喺市場現價1仙買入，而要在碎股板執貨。
經紀陳話，南海有機會炒上，但理由佢就話難以言明，最好就喺碎股板，在0.3仙樓下收集。
雖然數碼信息升幅驚人有辦睇，但講真句，喺碎股板買賣咁麻煩，小初真係有錢都唔想搵。
慕容小初