劉德華與梁朝偉主演的電影《無間道》，截至前日上映二十四日票房收入共四千九百六十萬港元，由於該片尚有一個多星期映期，故此票房應可超越五千萬，而寰亞亦正籌備開拍由余文樂和陳冠希主演的《無間道》前傳，兩人分別飾演偉仔和華仔的少年版。
不過近期余文樂和陳冠希發生不少衝突，未知會否影響該片的拍攝呢？寰亞負責人莊澄昨日透過電話說：「基本上佢兩個喺戲入面冇乜對手戲，我相信冇乜影響。」對於《無間道》的佳績，莊澄說：「公司梗係好開心，所以都想快啲搞好前傳，除咗余文樂、陳冠希同黃秋生之外，華仔同偉仔都可能會客串。」
此外，西片《魔戒二部曲：雙城奇謀》在上周六及周日上映優先場，票房已接近二百萬，認真厲害。