所謂空穴來風未必無因，女星加藤愛上年已經成日俾人傳佢意興闌珊，唔想再喺娛樂圈打滾，早排佢去過美國短期留學之後，好嚮往嗰邊嘅生活，不停扭計要退出，事務所為咗令加藤愛回心轉意，已經減少佢嘅工作。 不過愛妹決意今個月中去美國留學一年，重摺埋自己個fanclub！其實愛妹成日病，又頂唔順藝能界嘅競爭壓力，我羅拉真係擔心佢一去不回頭！