「我喺赤柱（監獄）住過九個月……程介南都住過啦！」已屆中年的釋囚潘錦明，坐牢非因偷竊、搶劫或傷人，只因兩年前難熬失業之苦，與友人合作賣翻版CD，遭海關拘捕，繼而入獄。他認為，「住過赤柱唔代表一定係十惡不赦」，不過，在他求職的過程中，卻令他感受到在僱主、甚至政府眼中，釋囚的確是十惡不赦。
「應徵政府嘅文職、雜工，都要申報自己有冇刑事案底，申報咗，求職信就石沉大海。」潘錦明不滿地說，港府常常宣傳社會不要存歧視，自己卻帶頭歧視釋囚，「我對呢個政府真係冇信心，講一套做一套，八萬五都可以唔算數。」他唯一的期望，是董特首在辦公室做好他那份施政報告之後，抽一些時間離開寫字桌，走入社區，認真聽聽小市民的心聲。
且先聽聽這位釋囚的故事。他是一個信神三十多年的基督徒；二十五年來，只要能力許可，都會為不同機構當義工。
三年前，他在本港一間大型物業管理公司任職保安經理，指揮五十多名下屬，後來因公司縮減規模而被裁退。
潘錦明說，被裁退後，他斷斷續續做過短期工，又間歇地失業。二○○○年迫於無奈入住露宿者之家，後來因為賣翻版CD入獄，○一年六月出獄。「當時心想，卒之捱到出獄，要追番失去咗嘅日子，所以好積極搵工，點知等吓一日，等吓又一日，釋囚身份令我完全搵唔到工作。」
「試過喺文化中心瞓街，瞓咗一個幾月。」去年他曾經做過清潔工，月薪四千元，每月將二千多元給予在內地的妻兒，生活捉襟見肘；他說自己窮得連妻子都難以置信，「老婆唔信香港人可以窮成咁，又聽埋鄰居話我出邊有女人嘅謠言，好唔開心，舊年三月佢抱住個仔跳樓，兩個都死咗。」潘錦明說時眼眶一紅。他本來無意提及這段往事，只是記者好奇詢問他的兒子多大時，他才道明原委。語畢，他沉默良久沒有作聲。
潘錦明今年四十五歲，中五程度，曾有十多年從事保安工作的經驗。今天他一無所有，孤身一人住在單身人士宿舍，每月靠一千八百零五元的綜援金生活。他仍然間歇地替社區組織做義工，「我對社會唔係冇貢獻。但政府點對我？我平均一日得六十蚊使，今年八月，我唔小心打爛眼鏡，邊有錢重配？惟有死慳死抵。」他形容，人生路本是崎嶇，但他的崎嶇也實在多了一點。
他說自己有三個希望。一是希望政府放寬要求應徵者申報刑事案底的做法；二是希望社會福利署不要太官僚，彈性處理一些緊急情況；三是希望董特首多點關心基層市民，不要只顧關心財團和地產商。
記者：譚暉
《系列七之七》