房協前執行總幹事蘇慶和舊年年尾加盟新鴻基地產，出任新地執行董事及中國業務首席執行官，一直好低調。但新地啱啱發表嘅內部季刊就專訪咗佢，談到加盟新地嘅抱負，亦好婉轉咁伸番政府一腳。蘇慶和話自己一向勇於嘗試新挑戰，加上中國市場發展迅速，香港下一代嘅發展空間會轉移至內地，所以要轉職。
咁又係，香港樓市無可為，但房協當年講一聲話想北上起樓，即刻俾人鬧到嘔，唔怪得蘇兄要走，重即刻去搞內地項目。雖然工作忙碌，但蘇兄話好珍惜同家人朋友相聚，每年一家人都會出外旅行探親，閒來則行山打高爾夫球。
（圖）蘇慶和（左二）同屋企人每年都會出外旅遊。
傳真︰2623-9278
電郵︰