響剛過去嘅周末同周日，各大汽車代理紛以減價作招徠，其中最吸引莫過於唔使9萬買日產March，同埋大發多款車系均以特價發售等等；不過，另一邊廂嘅三菱代理亦公布咗新款Colt嘅售價，其中Deluxe版售$105,800，而頂級Sporty版則售$109,800。設備配搭方面，除有合金軨、天窗等設備外，Sporty版更備有軚金屬色頭燈連霧燈、15吋合金軨連185/55R15輪胎、全車包圍連尾翼、真皮軚環同埋恒溫冷氣等等，而車廂除空間寬敞闊落、座椅配搭多變之外，另外重備有Warm同Cool兩種款式畀你揀，再加埋一台輸出有90匹嘅1.3公升MIVEC偈，係咪好吸引呢？有興趣嘅朋友，重唔快啲落Showroom查詢一下！