喺香港做傳媒壓力好大，實在應該多做運動，平衡身心健康。近年打高爾夫球普及，但大家多數貪方便打練習場，落場次數唔多，更難得同真正PGA球手一齊打，所以八方有個好介紹。
香港高爾夫傳媒協會（HKGMA）揀咗全香港PGA球手嘅休息日，即係下星期一（十三日），喺深圳觀瀾舉辦一場Pro-Am（職業業餘配對賽），等傳媒行家同PGA職業球手一齊落場打波，由佢哋實地指點教路。
比賽地點係觀瀾ErnieEls嘅Savannah球場，費用千五蚊，交通、打波、儲物、早午兩餐全包，重有抽獎，獎品包括Omega手表同名牌球桿等。平時搵人教波一個鐘都五百蚊，所以真係幾超值，請假去參加都抵。
（圖）去深圳觀瀾同PGA職業球手打高球，只係需要千五蚊，真係請假去都抵。
傳真︰2623-9278
電郵︰