金價旺足一年，加上內地遊客多，帶旺香港金舖嘅生意，八方日前同恒豐主席林世榮（喺紅磡有個市值逾五千萬元金馬桶展銷廳嗰個呢！）傾起，佢話如果淨係做香港人生意就乞米，以佢自己個場為例，香港人每單生意平均只有二百元！嘩，二百蚊買金，風都吹得起，有冇咁少呀？唔通香港人真係寒到咁？
林世榮就話八方冇聽錯，確係只有二百元，連菲傭都不如，因為班菲傭每張單金額都有五百幾。
最勁當然係內地旅客啦；而平均計算，每個人嘅消費金額亦愈嚟愈高，由前年嘅一千蚊左右，倍增至舊年嘅二千五百蚊。
八方相信，林世榮應該係最贊成二十四小時通關嘅港人之一。
（圖）香港人去到展銷廳，係咪淨係掛住欣賞呢個價值逾五千萬元嘅金馬桶呢？
傳真︰2623-9278
電郵︰