老愛國雲大棉去完百色為八一小學間圖書館主持開幕禮返港，第一時間就來電大興問罪之師，話八方害佢俾阿媽鬧。
事緣雲大棉自謙老父雲昌海當年隨鄧小平喺百色起義時只「係個兵仔」，八方寫咗出嚟，雲老太睇完大怒，話佢唔好乜都攞嚟講笑。
查實雲老令尊雲昌海出身黃埔軍校，當年追隨親表哥張雲逸大將同堂阿哥雲昌旭去百色參加起義，所以點會係兵仔呢？
另外，鄧小平個女毛毛喺《我的父親鄧小平》一書中，提及鄧小平離開百色往上海做報告，由一名華僑代為安排，先由百色去越南嘅海防，再經香港去上海，個華僑就係雲昌海，老鄧當然識佢啦。
傳真︰2623-9278
電郵︰