T1、T2兩個大女孩，日頭賣玩具，夜晚放工就會變身去Wet，最近重緊貼潮流，喺中環Disco大玩閃燈指甲！一邊跳舞FingFing吓，幾隻手指就閃閃吓，重大受身邊嘅愛Wet一族歡迎㖭！記者：李玉蘭
攝影：周旭文
T1以好熟悉嘅口脗講：「佢唔需要入電，只要你手仔FingFing，指甲裏面紅色小燈就會閃閃吓，可以閃足五千下，想唔搶眼都難！咁又唔好以為佢係一支限時玩完嘅螢光棒，因為當你Wet夠之後，可以將佢除低收藏，留番下次去Wet再閃過！」
T2又另有見地：「想更加好玩，可以將香港小姐嘜頭貼紙擦上閃甲，過吓做MissHongKong癮，想好玩到跌渣嘅，重可以將一粒粒脹卜卜指甲放喺塊臉、眉心、眼尾……砌花紋，實行搶鏡都暈！」當花紋隨住T2印印吓時閃閃吓，醒過比翼雙飛紋身圖案多多聲，簡直型到爆！
分別有紫、黃、紅、粉紅四種顏色，每盒有4隻閃甲，6隻膠甲，20個香港小姐標記及動物圖案，30個雙面貼紙，一個儲存小膠盒。
地點：旺角新世紀廣場379B，C店
電話：26283343