「買個衣櫃最少要幾百蚊，對我嚟講好貴，我惟有用膠箱裝住啲衣物，總好過放喺紙皮箱度。另外，呢排個電視機壞壞哋，睇一陣會無端端自動熄機，搵人修理又驚部機因為太『老爺』，畀錢整好唔使幾耐又壞，真係頭痛！」阿芬日前甫見記者，即一口氣道出其苦況。
三十歲的阿芬，近月獲房屋署體恤分配公屋單位，得以減輕租金負擔及改善居住環境，可是她自從三年前因工受傷一直倚靠綜援金過活，勉強應付水電及屋租按金後，難有餘錢購買家具電器。
「我原本喺印刷廠做雜工，出事嗰日有工友叫我幫手搬貨，我一唔小心跣腳，就咁整傷左手同個膊頭，𠵱家重要定期做物理治療，每逢轉天氣同落雨，手臂同膊頭都痛到死吓死吓！」阿芬歎謂，工傷令她難操故業，又一直未獲賠償，以致生活陷困，惟靠綜援餬口。「我好想有工做，自食其力，但我得初中程度，工傷後好難轉做文職，想做酒樓侍應，又因為無經驗無人肯請，完全無辦法。」自小與家人關係疏離的阿芬無奈表示。
志願機構聖雅各福群會近日轉介阿芬的個案向本報求助，你願意捐贈一個衣櫃及電視機給阿芬嗎？
捐款編號：C0786
暖流熱線
電話：29908688
傳真：23702192
電郵：
網址：