近年來，香港頻頻受到禽流感的滋擾，耐不耐街市就無雞賣，呢排啲病毒好似特別鍾意喺節日前夕作孽，過時過節都搞到無新鮮雞食。喺內地採訪新聞咁耐，同雞農講香港的禽流感事件，佢哋都覺得好新鮮。好似番禺鍾村鎮平山金銀洞養雞場的老闆話：「我養二萬幾隻雞，滿山走、滿山飛，如果隻雞有乜傷風感冒，喺山裏跑一圈就乜病都無晒，我哋啲雞好健康㗎！」可惜活生生嘅走地雞，唔畀帶返香港，惟有即刻叫幾味用來祭五臟廟！
記者：辛汀
攝影：Manny
大山塘傍水倚山，餐廳就蓋建在潭邊。日間坐在建於水塘上嘅棚屋餐廳內吃雞，可觀賞水塘景色，晚上則看見烏黑嘅山路映來一束束燈光，原來是食客駕車前來光顧，晚上七時，餐廳已坐滿九成，而停車場亦泊滿汽車，餐廳的生意的確非常好。
雞農梁錦洪從事養雞業已有二十多年經驗，數年前買了一座山，於是就喺山腳蓋建寮屋養雞，任由雞隻到處走。他說：「呢啲雞喺市場好搶手，有啲顧客甚至來到雞場買雞。於是靈機一觸，等自己親手下廚劏雞，讓客人留在農場內食餐飽。」殊不知食過嘅人都回頭，消息傳開，客人紛至杳來，於是就喺水塘邊擴建起餐廳來。
金銀洞嘅走地雞咁出名，我也慕名前往吃雞，梁先生說：「我喺山腳養咗二萬幾隻雞，都係江西種，好多客人都開車入嚟幫襯，差不多喺自己嘅餐廳賣晒，甚少流入街市。」佢又話：「𠵱家雞價?9/斤，養到兩斤半，需時150天，較籠養的時間多兩個月，不過客人鍾意食我嘅雞，花多啲時間養，都係值得嘅！」
在這裏吃到的走地雞，特別香特別滑，與冰鮮雞相比的確差得遠，而食法達十多種，如燒春雞、沙薑雞、白切雞、鹹香雞、豉油雞、頭菜蒸雞、炒滑雞、乾煸雞……等。不過照我觀察所得，煎雞蛋幾乎人人都食，所以如果大家有興趣到這裏吃一頓雞餐的話，一定要試試這味菜式。
呢味湯用雞雜加藥材作為材料，每煲都煲足三個小時或以上，盛上湯碗，陣陣藥材味香濃撲鼻，飲落口，淮山、杞子、黨參……等的藥材味道與雞肉混合一起，非常滋補，每煲?25。
沙薑雞相信大家吃得多，但論嫩滑程度，相信喺香港幾難搵得到，食前蘸埋醬料更特別惹味，全隻只賣?40，非常抵食！
這碟菜看似普通，不過絕對是我吃過最滑的雞。加入金針、雲耳、冬菜與雞一同清蒸，外表雖然與一般家常菜分別不大，但配料非常入味，夾兩件，飯都食多兩碗，每碟?20。
真係難以置信，差不多每一枱都叫一碟煎荷包蛋，老闆話，連雞蛋都係啱啱喺農場拾回來，從未放入雪櫃，同我哋喺超市買返屋企嘅雞蛋唔同。或許我對煎荷包蛋的興趣不大，吃入口唔覺得特別好食，每碟?10。
這圍枱坐了五位來自廣州的客人，問他們為何山長水遠走來這裏吃雞，他們七嘴八舌的說：「在這裏吃到的雞，與在城市內吃到的雞完全不同，除咗無咁多肥膏外，當你慢慢咀嚼時，會發覺其肉質具鮮味，而且雞肉多汁，真係好食！」
點樣去：
鍾村鎮距離港人聚居的番禺祈福新邨大約十五分鐘車程，如果要進入大山塘金銀洞，就要自己揸車或乘搭的士。
金銀洞養雞場（山塘飯店）
地址：番禺鍾村鎮平山二村金銀洞大山塘
訂座電話：（86）13922320230；（86）13501486525