克林頓做校長訪港? - 李八方

  克林頓做校長訪港? - 李八方

美國前總統克林頓嚟咗香港?噚日喺一個加拿大教育展覽上,加拿大尼亞加拉基督教學院嘅一個港生家長劉太同八方介紹,話佢哋學校嘅校長C.Lebold好似克林頓,佢早前去澳門重俾人認錯咗係克林頓,見到美國前總統駕到,啲澳門人即刻話要同佢影相,令校長先生感到好意外。
八方睇落佢同克林頓真係有幾分似,不過Lebold校長就猛咁話自己唔似,唔好咁樣形容佢喎。
佢間學校有啲港生讀緊,Lebold校長話呢五年入學嘅港生,英文水平唔及十年前嗰班好,估計係港生英文水平下降,又少咗叻學生去讀,所以有咁印象;不過佢都讚番一句,話港生有啲其實好叻,好似前年有個女生去佢間學校讀咗一年,就考咗全級第一,重攞埋政府頒發嘅獎項。
﹙圖﹚C.Lebold校長話自己根本唔似克林頓。



傳真︰2623-9278
電郵︰[email protected]