到底港聯今日能否反勝廣東蟬聯省港盃，要看球員臨場發揮，但正如教練曾偉忠所說，落後兩球尚有機會，但如輸到三球則差不多絕望。而保住港聯一線希望的門將鍾皓賢說，返回主場有信心擊敗廣東隊，至於能否再次捧盃則很難說。
港聯上周作客廣東，二十五分鐘已落後兩球，主隊球證其後更「落井下石」判罰港聯十二碼，可幸門將鍾皓賢救出廣東隊李毅主射的極刑，保住港聯一線生機。
「賢仔」（鍾之花名）說：「踢波多年好少救出十二碼，當日咁啱捉到路撲出，唔使多失。其實首回合廣東隊機會唔係好多，今日主場肯定有得打，而自己有信心贏波，但贏唔贏到兩球就真係好難講，要睇臨場發揮。」
鍾皓賢說，再入選港聯，可謂感慨良多，他說：「早年球員生涯在場內場外都犯過唔少錯誤，而快譯通退出後更淪落到失業，而我要多謝流浪同南華肯畀機會，等我可以繼續喺呢個圈發展，亦令我更識得珍惜眼前嘅一切；所以現在我無論操練同比賽都盡力做到最好。」 本報記者
出生日期：15/4/71（31歲）
身高：1米76
體重：65公斤
現效力球會：南華
曾效力球會：駒騰、傑志、快譯通、流浪
個人榮譽：最佳青年球員、港隊、港聯