【本報訊】香港學生英語水平最近再度引起關注，香港人好像一夜之間都不諳英文了，其實本港兒童的英文能力在亞洲還是位列上游。根據一所國際學生英語能力測試機構的統計，香港兒童英語能力居於亞洲第三（不計新加坡），不過語文教育及研究常務委員會主席田北辰指出，香港英文水平正在下滑，國際城市地位岌岌可危。
台灣報章報道，ILTEA英國劍橋認證中心昨日發表亞洲九個國家及地區兒童英語能力檢定成績的排名，結果香港排第三，位於另外兩個前英國殖民地印度及馬來西亞之後，台灣排第四，其後為南韓、越南、中國大陸、泰國及日本，以英語為母語及官方語言的新加坡則不計算在內。
田北辰說：「呢個排名合理，但係我唔覺得OK，冇理由覺得滿意；根本南韓同日本好多人唔識講英文，台灣啲英文落後到離晒譜，如果我哋嘅英文重差過台灣，香港就玩完。」
「今日嘅實況係，自從回歸之後，想出人頭地，英文好唔好已經唔緊要，因為英文唔再係官方語言。但係咁樣持續落去，香港就好大鑊，就會變成中國其中一個城市，再唔係一國兩制。」田北辰說，內地英文水平正迎頭趕上：「第日大陸城市英文水平好過我哋，外商點解要來香港做生意？」
教育界立法會議員張文光則說，今次排名已是一個不錯的成績：「香港人唔好妄自菲薄，不過仍須繼續努力。」ILTEA英國劍橋認證中心為英國劍橋大學授權認證中心，負責各級英語測驗，測驗內容特別重視聽、說、讀、寫四項語言能力。