最近在雜誌上看到「儍強」杜汶澤的訪問，對文尾他的一番說話留下深刻印象：「我好想同新一代演員講，唔好瞓少幾粒鐘就嗌辛苦，唔該你睇吓劉德華，佢年紀大過你，但魄力好過你；佢錢多過你，但重勤力過你。你已經唔夠佢靚仔，重整個眼瞓樣出嚟獻世。想取代佢？你去X街啦！」
係咩好辣呢？對比起「A1夫人」嘅青少年只懂complain理論，上面嘅一番話就有建設性得多，起碼一矢中的講中現今不少新一代嘅通病──好食懶做又望輕易上位！
今年我在專欄中，不只一次提及對佐敦、馬龍和史托頓的敬意；全因他們一次又一次向球迷展示何謂專業的運動員。試問新進球星中有哪個能望其項背？
今日工作付出十二成氣力，可能只收回六成報酬。新一代球星，我獨取艾華遜，原因是他是聯盟寥寥可數的「完全燃燒」球員；每次看他打球都有看《鐵拳浪子》中矢吹丈的感覺，深怕他比賽完後變成雪白的灰。
還是艾華遜隊友麥基說得好：「如果你把他鎖在鎖緊的鐵箱中，他仍有辦法在舞台另一端出現；就算他跳落棺材中，人們還是會發現這個已死的人再站起來，我驚訝？不！我見得太多了。」要成功，唔該先諗吓自己捱唔捱得先。
文：仙道彬
e-mail: