西九龍一帶有大量新盤供應；例如港灣豪庭、泓景臺、昇悅居，搞到每逢星期六、日，西九龍區一帶都會成為睇樓熱點；當中最能引起「上車客」注意的，都是大角嘴港灣豪庭推出的128個2房單位，呎數由477至595呎，全部均以劃一式143.8萬發售，平均呎價為$3,015；對照現時市區的2房單位，真係極少有低於150萬元的供應！
記者：朱崇德
攝影：陳智良、陳盛辰、朱崇德
ImageGirl；Fion
相對現時同區或者所有市區地段的2房式新樓單位，以低於$150萬元的超平售價，絕對係絕無僅有！就記者採訪當日所見，多數都是一些中、小型家庭，甚或一些準備結婚的二人小家庭嚟睇樓居多。
屋苑內有一個20萬平方呎的特大私人會所，包括有全落地玻璃設計的日本茶道室、OneManBand房、園林實景大型泳池、兒童戲玩室等。
為咗令首次置業嘅上車客買得份外有信心，所有即時購置這批單位的買家，不論是自住或投資，都可享有一年原價回收保證，即可於今年底之前以143.8萬的原價，回售予發展商！
西九龍旺財之地
據一些堪輿學家表示，如以中國的術數計法，嚟緊嘅羊年財星八白同七赤，分別走了去正西同西北方位，所以西九龍、深井同港島西一帶，均屬於香港旺財之地；至於樓宇方面，則是以愈新愈好，因為舊樓的氣數會褪掉！
地址：九龍大角嘴福利街8號
座數：第一期5座、第二期5座
層數：44層
單位總數：3,520個（1期760個、2期760個）
單位面積：477至874平方呎
發展商：恒基地產、香港小輪
入伙日期：1期（03年1月31日）、2期（03年12月）
查詢電話：29266888
睇完樓好去處
嚟大角嘴搵食，點可以唔試吓街邊大牌檔風味！同區內以呢間天祥大牌檔較出名，每逢入夜以後，你會發覺平時好靜嘅石硤尾街同醫局街交界，會圍住呢個大牌檔做中心泊滿晒車。
呢度最出名嘅係個羊腩煲，用料新鮮，兼燜嘅時間同火路要控制得好，唔好睇佢小小一個大牌檔得幾張枱，一個月可以整整賣到120隻全羊！
呢一帶重有一樣舖頭出名多──布行！好多識貨之人，都會專程嚟呢度買布疋，DIY自製咕𠱸一類布藝製品，貨色品種多，價錢又唔算太貴。
裕昇貿易公司（27899066）
地址：深水埗大南街163號A地下
大角嘴屬於老區，當然有名勝古迹，當中最老嘅，首數海壇街158號嘅武帝廟，由清光緒17年（1891年）建成，至今已有百多年歷史！呢度香火最鼎盛嘅時間，係每年6月嘅關帝誕，另外廟內還有一個太歲殿，每逢農曆年過後，都好多人嚟攝太歲，好多人都話廟愈古舊可能會愈靈驗！