謝霆鋒去年串謀妨礙司法公正罪成，需要履行社會服務令二百四十小時。霆鋒前日原要履行社會服務令，但因被記者追訪，結果臨時取消履行服務令。
霆鋒母親狄波拉（拉姑）前日在竹林禪院拜神時，解釋霆鋒在履行社會服務令前，曾跟感化官溝通過，一旦發覺行蹤曝光，為免滋擾到服務場地內的人，可以臨時取消履行服務令。
拉姑昨日在電話中補充說：「其實唔係話取消就取消，當日佢係去緊做社會服務令，不過因為擺脫唔到記者追車，霆鋒就同感化官即時聯絡，為免影響到場地嘅人士，所以先至冇去。唔係話霆鋒話唔去就唔去，希望大家明白，否則對霆鋒同感化官都好唔公平，加上霆鋒一早準備咗結他去同小朋友唱歌，臨時去唔到，大家都好失望同難過。」
採訪：比華利