新版平治E-Class自推出以來一直深受車迷歡迎，而備受矚目嘅新款E-Class旅行車，亦將於嚟緊嘅底特律車展中亮相；新車不但造型突出，多項新設備亦具有一定吸引力呢！
從廠方公布嘅相片中可以睇到，新車造型與四門版一樣，具備有一份豪邁氣派；當中一對Bi-Xenon頭燈更附設有最新嘅ActiveLightSystem，此系統會令頭燈射出嘅光線，跟隨軚盤轉動方向而改變，從而令照明範圍變得更廣闊。而車廂布局亦見有一份豪邁氣派，並備有最新Easy-Pack系統，可讓你能輕鬆地將尾廂容量增加，認真方便容易。
另外，全新E200Kompressor將會用上一台最新嘅機械增壓引擎，從而達致既好力、又有低耗油量嘅表現；用家更可為新車配用AirmaticDC氣壓懸掛系統，以達致有舒適嘅行車表現呢！