韓國兩位靚仔靚女李秉憲同宋慧喬，喺啱啱過咗嘅元旦日，靜雞雞飛咗去美國洛杉磯，皆因佢哋要為今個月十五號播放嘅重頭劇《今年》趕工。就喺除夕當晚，拍到兩位男女主角久別重逢嘅一幕，佢哋要喺湖邊嘅山莊激吻，重一齊過夜㖭！據聞有關方面為咗令佢哋唔會戲假情真，二十四小時搵專人昅到實，𠵱家激吻戲佢哋都一take搞掂，果然夠專業。