港基國際（636）賣盤一事，至今仍然處於只聞樓梯響階段。經紀黃話，雖然港基現價較公布想賣盤前，已經升咗唔少，但如果有閒錢，實在唔怕買多少，皆因賣盤一旦落實，所得回報肯定高過將錢放喺銀行收息。
市場傳聞，港基大股東叫價為帳面值1.5倍，以港基家陣每股帳面值2.50至3元計，即係每股作價接近4元。
當然，家陣經濟低迷，港基嘅質素唔係太標青，未必造到咁高價錢，但就算打過八折計，應該都有3.20元，所以有閒錢，不妨買番多少。
講完正路股，小初又想講吓永成化工（850），話說公司前日公布業績都停牌，一度引來市場虛驚，收尾先至話係推遲公布業績咁小事。隻股噚日復牌，大升6.25%，收0.68元。
靚女經紀話，隻股個大炒家基本上未散到貨，今番有意借業績良好抽高股價，加上成交活躍，希望可以吸引到芬佬捧場。
慕容小初