揸車最大好處，就是可直達玩樂場地門口，唔使落咗車重要再行半個鐘上山先有得玩，好似今日去的箭會同燒烤場，雖位處天水圍市中心，但公車就只會放低你喺山下，再要自己慢慢行上去；接着，再往錦田探訪百年難得一見的樹屋及清朝習武場。
記者：梁佩芬
攝影：陳盛臣、陳智良
第一站
位於天水圍市中心附近的射箭場，地方不太偏僻，從市區驅車至約半小時，但地方有近80,000平方呎，共有33個箭靶，每個月都有射箭比賽。箭靶距離由10米至90米，最多可容納132人在場玩樂。弓箭方面，有兩種供租借，一是奧林匹克比賽專用的複合弓，拉力16磅至40磅，適合男士或有經驗的人；另一種是世界比賽的反曲弓，由20至100磅，看似更重，但裝有滑輪，用少少力就可以有強勁殺傷力，不少女士都愛玩它。
為推廣射箭運動，箭會歡迎任何人加入，而場地天天開放，逢假期及周末就最多人。如你全無經驗，好像12歲的Wendy，用$70玩兩小時，還有指導員教曉你。未玩前，她以為要好大力才可拉弓放箭，原來反曲弓有滑輪，弓又有磅數分，她選了16磅的弓，只需用少少力就可發箭。學了約半小時，就可準確發射距離10米的箭靶，有次還射中正中的黃心。不過，她覺得因要注意正確姿勢，玩得耐兩臂好攰。
剛參加完釜山亞運的郭玉英：「近年愈來愈多女仔學射箭，因為唔似打波咁，有衝撞過程，又狂流汗失儀。但玩落後，就知道射箭是講求智慧、精神及體能合一的運動。」
駕駛貼士：入箭場地面凹凸不平，崎嶇險峻，路窄兩旁有長草，頗有歷險風味。
善竣會
電話：24797762
地址：元朗盛屋村福順街尾橫洲配水庫側
開放時間：早上10時至晚上6時
收費：自備箭具，每位$20/4小時；無箭具每位$70/2小時，包弓箭及指導員教授。
第二站
射箭場並無食肆，要醫肚的話，最近也要走到山下的燒烤場，駕車約五分鐘，有免費泊車。任燒任食固然吸引，但更欣賞其他玩樂設施，釣魚、踩單車、放飛機、還可打麻雀、餵鯉魚及踢波。魚排分有蓋及無蓋，可容納近百人一齊釣。
釣魚收費：每位$40/兩小時，以後每小時$10，魚竿按金$50。
有過百個燒烤爐，周末一過中午十二點，就出現人潮。燒烤食物任攞，有例牌的豬扒、雞翼，也有特別的海鮮，汽水、蒸餾水$8，啤酒$12罐。
燒烤收費：一至四成人$55、小童$40；五至日及公眾假期成人$68、小童$55。
面積近數十萬呎的燒烤場，提供小童單車出租，由兩個轆至四個轆都有。
單車收費：$10/小時，按金$100。
電子遙控飛機，分纖維及發泡膠質料。不過天水圍風太大，技術稍遜容易炒機。
放飛機收費：$50/半小時。
泊車貼士：燒烤場內有大量免費車位，但周末車多，要早點攞位。
有叉用燒烤樂園
電話：24748333
地址：天水圍天慈路馮家圍30號
開放時間：星期一至四下午4時至午夜12時；星期五至日及公眾假期上午11時至凌晨2時。
第三站
食飽飽，天還未黑，就一條大路去錦田，看看在香港甚少有的樹屋。樹屋位於錦田水尾村鄉公所外，樹幹生長得十分茂密，而且縱橫交錯，仔細地看便發現這樹是包住一所屋而生長。據說這棵樹於清朝一文人所種，後來文人搬走，房屋荒廢，隨時間流逝，樹一日一日長大，把整個房屋都包住了。
1由大欖隧道出往元朗市中心，直行見康樂路轉入元朗工業村，行至朗屏邨轉入福喜街，再左轉入福順街，直上到尾見箭會。
2駛回福順街第一個街口轉左入朗屏邨，再轉左往天慈路，入交滙處轉右，見輔助會小學轉右入天華路，左轉入燒烤場。
3出天華路入天慈路，直往至迴旋處入元朗市中心，往凹頭迴旋處入錦田公路，見錦泰路入口左轉，直入錦田文化村。
走年輕RV路線嘅三菱PajeroiOTurbo，自推出以來，一直深受車迷追捧；皆因佢除了改裝了一台既慳油又好力嘅1.8公升直4GDITurbo引擎外，富活力感的造型亦為賣點之一。至於車廂設備又齊全易用，而後排座椅亦可按需要收摺放平，以增加尾廂載物容量，完全切合RV嘅身份呢！
三菱PajeroiOTurbo規格
引擎：1834cc直4DOHCGDITurbo
馬力：160ps/5200rpm
扭力：22.4kgm/3500rpm
尺碼：4030×1680×1730mm
軸距：2450mm；車重：1385kg
新車售價：$196,800
車輛提供：環宇汽車（27211111）