天氣轉冷，女高官皮草大衣終有用武之地。噚晚龍傳基金喺會展舉行《魔戒二部曲——雙城奇謀》首映禮，籌咗一百萬，好多前任現任政府高官都有捧場。
七點幾，八方首先發現陳太一襲黑色皮草大褸，同丈夫拍住拖到場，喺現場忙到團團轉幫手接待嘉賓嘅民政事務局常任秘書長李麗娟，亦圍上一條啡色皮裘頸巾。任關佩英跟住到，身上黑白相間嘅短褸，映得佢非常精神爽利。八點正梁愛詩一來，一睇好似同陳太撞衫，都係一件黑皮草大褸。何志平亦好罕有地帶埋愛妻出席公眾場合。
（圖）王䓪鳴（右）有乜悄悄話同陳太講？唔通讚佢件皮草好靚？
傳真︰2623-9278
電郵︰