新一年開始，八方收到一單好消息，係大新銀行前總經理李儀章已有新工作。舒拉（Shela、李之洋名）在聖誕節前夕突然離開大新，休息唔夠幾日，即加盟港基銀行，已經在周四返工，擔任高級副總裁之職。可見市道雖差，有料者仍然好搶手。
舒拉過檔港基當然做番其老本行，專責信用卡及零售銀行業務。世事真係好啱，港基信用卡部門阿頭查理士葉及零售銀行阿頭東尼徐啱啱喺大除夕離職，令舒拉話咁快就返新工。八方聽聞，舒拉離開大新後，大新會陸續重組，傳聞會裁減好多員工。去年市道咁差，睇嚟零售銀行部門將係被開刀嘅重災區。
傳真︰2623-9278
電郵︰