牛頭角是老區，走遍大街小巷，不論食肆或店舖，盡是一股地踎氣。
大牌檔，地踎的典範，但打邊爐夠風味；日本料理舖面細，也是地踎格局，但老闆有人情味。
入舊邨買裙褂，討價還價；上二樓按摩店做足底按摩，有講有笑；再打一晚通宵桌球，與香港代表一較高下……又是一日！地踎？就地踎吧！管他的！
記者：陳彩記
攝影：黃叔榮
老闆名字很型，叫成坤，不懂「混元霹靂手」，卻有一張「渾圓霹靂口」，見路人經過，即喊：「幾多位？打邊爐啦喂，大把位大把好嘢食……」難得聲線圓渾咬字清晰兼說話速度超快。路人答：「咁大風吹住晒，點打呀？」他反應亦快：「唔大風唔冷打乜鬼邊爐！」說得對，始終在大牌檔，打邊爐才有Mood。
龍蝦1隻；海蝦、瀨尿蝦各6隻；元貝、扇貝、蚌仔各2隻；生蠔4隻；鮮魷6片；泥鯭4條再加蟶子4隻，清湯、鴛鴦、沙嗲湯底任擇，夠抵食未？
魚湯熬豬大骨、豬腳骨3小時，再加杜仲、巴戟、杞子、圓肉、淮山、竹笙等藥材，有驅寒功效，成坤話：「我哋唔加花奶、唔落味精，唔該食埋豬骨、飲清湯底，唔食乾食淨即係唔畀面。」
店名：新南苑
電話：23318717
地址：牛頭角下邨14座24至26號地下
營業時間：下午6時至凌晨3時
座位數目：120個
老闆阿梁，年過半百，矮個子，多說話：「舊區開日本料理店，邊得嚟咁多生客？要Keep住回頭客先維到皮。」除了食物質素，挽留熟客的另一方法就得靠把口：「幫襯開嘅街坊全部變成我朋友，平時見到面都會雞啄唔斷，傾吓食經又過一日，大家有電話聯絡，有新菜式我會叫佢哋落嚟試。」看來食物美味，也不及那份人情味。
鍋內材料有魔芋糕、獅子狗、日本豆腐卜、鳴門卷各4件；冬菇、蘿蔔、雞槌各2片；大葱2條；熟蛋1隻；日本年糕1塊，金菇、津白、白菜墊底，超勁份量，湯底鮮甜。
配料有紅蘿蔔4片、三文魚肉1大塊、冬菇4隻、三文魚頭半個，金菇墊底；湯底則用日本豉油、昆布、木魚精再加甜酒熬三粒鐘，味鮮兼不燥。
日本煲仔飯，有鰻魚、豚肉、牛肉、雞肉四款任擇，由於用魚湯煲飯，飯本身已調好味，不似港式煲仔飯般要加豉油。
店舖：河田日本料理
電話：23318110
地址：牛頭角道170號地下
座位數目：35個
營業時間：上午11時至晚上11時