「韓風」襲港已經唔算新聞，不過原來韓風來源除咗南北韓，重可以係中國延邊。來自延邊朝鮮族自治州嘅延邊歌舞團，噚晚同今晚喺香港文化中心表演兩場歌舞。
位於吉林省內嘅延邊自治州都可謂人傑地靈，東與俄羅斯毗鄰，南隔圖們江同北韓對望，八方噚日先睹為快，果然個個朝鮮裔女舞蹈員都好似金喜善、沈銀河咁靚女。
表演長鼓舞嘅朝鮮美女崔香丹，原來係國家一級演員，待遇媲美自治州州長，佢同團友都話好熟悉香港同南韓嘅影視紅星，隨口都噏得出楊紫瓊、安在旭，又話有好多親友喺南北韓；而對於北韓最近重開核設施嘅緊張局勢佢就唔擔心，話肯定能夠和平解決。
睇朝鮮舞表演票價由八十至一百八十不等，讀者有興趣可以向城市電腦售票網查詢。
王子俊攝
傳真︰2623-9278
電郵︰