湯告魯斯（TomCruise）近排忙於喺新西蘭拍攝大製作《TheLastSamurai》，不過呢部戲嘅監製唔知係咪擔心靚佬湯嘅安全，同當地員工簽約嗰陣，竟然喺合約上列明禁止佢哋同靚佬湯有眼神接觸，呢個咁匪夷所思嘅規定，令到班員工𢱑晒頭，佢哋可能會以為靚佬湯好似《哈利波特消失的密室》入面條蛇妖一樣，一望佢對眼就即刻魂歸天國！