我Apple姐見慣有錢少奶奶同埋上流社會嘅太太，閒時食飯行街好悠閒，不過講真呢啲生活都幾悶。 婚宴難忘 早排結婚嘅名模何穎雯同老公丁天立，由拍拖到結婚都咁甜蜜，不知羨慕死幾多人。好多人以為何穎雯婚後做少奶奶，不過年輕人就決心繼續工作，話要搞好自己開嘅AinkConcept製作公司。 我聽有份去飲何穎雯嗰餐嘅好姊妹講，何穎雯婚宴場內布置令嘉賓留下深刻印象，有二十呎大畫、巨型桃花同埋滿天紅燈籠，唔少來賓都讚好。