政府成日俾人話唔識保護同利用啲有價值嘅古老建築，好似位於薄扶林道一百三十九號嘅伯達尼（又稱伯大尼）修院，有成一百二十八年歷史，空置咗五年幾，好彩𠵱家終於落實改建成演藝學院第二校舍，重會修復原有嘅建築面貌，包括金字形屋頂，到時裏面重會有表演場地、展覽廳、禮拜堂同博物館。博物館將會介紹修院嘅歷史、同鄰村嘅關連，以及曾佔用薄扶林大部份乳牛場嘅事迹。
伯達尼修院係法國巴黎外方傳道會喺一八七五年建成，作療養院之用，七五年時牛奶公司曾佔用，其後成為政府建築物，七八年租過畀香港大學用，但自九七年起一直空置。民政事務局話，工程費預計要七千四百幾萬，今年八月開工，明年六月完工。
（圖）伯達尼修院將會改建成演藝學院第二校舍。《壹本便利》圖片
傳真︰2623-9278
電郵︰