好多人話做模特兒為咗保持至弗身材，總係冇啖好食，不過對於巴西名模GiseleBundchen嚟講，簡直唔使旨意佢戒口！
好似近排有記者直搗著名內衣品牌Victoria'sSecretfashionshow嘅後台，就見到Gisele喺臨開場前不停食嘢，簡直嚇死我羅拉！
咪睇擁有35、23、35完美身材嘅Gisele得嗰一百磅鬆啲，原來佢平時食量多得驚人，連Victoria'sSecret花生騷臨開場前嗰少少時間都唔放過，佢一邊set頭化妝一邊醫肚，將塊超高卡路里嘅pizza係咁大啖大啖咬落口，重攞住罐可樂狂飲，簡直犯晒模特兒嘅大忌！難怪佢同舊情人里安納度狄卡比奧（LeonardoDiCaprio）拍拖嗰陣，可以搞到個男友咁肥啦！
相比起每晚只係烚條甘筍做晚餐嘅澳洲女星妮歌潔曼（NicoleKidman），Gisele果然係得天獨厚得多喎，真係令人羨慕！