爾冬陞在接受最新一期《壹週刊》訪問時，談到與王海峰的官司。他表示是因為有人不懂製作電影和喜歡事先張揚事件才起衝突，昨日王海峰在電話回應說：「我係唔識電影喎，如果唔係點會畀幾百萬佢幫我公司做監製同導演。我係星皓老闆，唔通公布公司計劃都唔得，至於星皓有今日成績係咪因為佢，我覺得佢對公司係有幫助，但亦都唔可以抹殺其他同事所付出嘅努力，如果佢認為只係佢一人嘅功勞，咁樣就對其他同事唔多公平。」
此外，本年度香港電影導演會「第十屆執委會」的成員名單，昨日已正式公布。爾冬陞連任會長，副會長是羅啟銳和許鞍華，秘書長是張婉婷、張志成和趙良駿，而吳思遠、張同祖及泰迪羅賓等則任執委。
爾冬陞昨日接受電話訪問說：「原本規定唔可以連任，但今次改咗制畀我連任，我都希望可以幫個會做啲嘢。呢個月十二日導演會喺澳門主辦第七屆中港台導演研討會，拉近三地合作關係。」