伴隨特區成長的一波又一波的禽流感疫潮，當中有血流成河的殺雞行動，也有血本無歸的農民結業故事。政府未能杜絕殺人禽鳥病毒的蔓延，卻成功地扼殺本地農業的發展。
新界米埔有一塊二百畝的池塘，養鴨三十年，曾經是高級食府招牌燒鴨的來源。二○○○年爆發禽流感，鴨苗被禁止入口，池塘就丟空至今。鴨塘的場主是郭誌有，他說，養鴨曾經是一門本小利大的生意，二十五元養大一隻鴨，五十元賣出去，足足一倍利錢。直至九七年政府開放內地活鴨及冰鮮鴨入口市場，養鴨業瞬間走向覆亡。
九七年首次爆發禽流感，香港自此變身「流感之都」，大小規模禽流感年年爆發。打從那年起，養鴨人家都沒有好日子過。郭誌有說：「嗰年政府下令所有活鴨集中西區屠房處理，農友用貨車堵塞道路抗議，政府一意孤行。佢哋永遠都係定好晒政策，先至搵我哋假諮詢，實際上只係知會我哋，諮詢係做畀市民睇。」
所有鴨農都批死養鴨業從此覆亡，郭誌有卻自以為眼光獨到，九七年逆市大舉投資，在西區屠房大舉動用了三百多萬，添置器材，大事裝修，又一口氣買了五輛貨車，兼營批發：「我以為可以衝上去。」可惜事與願違，本地活鴨敵不過低成本的內地活鴨，郭誌有的郭苑由每月可賺五萬至十二萬元，淪為每月蝕三、四萬。
結果西區屠房經營年多之後，十六商戶全部收檔，郭誌有則捱了四年多：「有啲鴨農搬到西區屠房唔夠兩個月就蝕晒百幾萬，我係最遲一個走，𠵱家三百幾萬全部蝕晒。」最氣憤的是，政府去年五月禁止進口活鴨，西區屠房無法運作，但政府仍要向他追收九月份的租金，郭誌有拒絕繳付，政府竟出動律政司發信催繳十七萬欠租，否則禁止他出境。
氣難平的郭誌有又忍不住踢爆政府黑幕。九七年禽流感爆發，政府下令滅絕全港家禽，雞鴨無一幸免，政府要向雞農賠償一千萬：「鴨農同漁護署傾掂數，新界十幾萬隻鴨，我哋自己匿埋劏，秘密處理，政府一毫子都唔使賠。」
九七前，全新界有四百一十鴨戶，現在獨剩郭苑一家持牌鴨場：「好多農友冇彎轉，一係去咗做看更，一係去咗揸車。我對呢個政府已經完全失去信心。」令他失去信心的是政府的虛偽：「當初漁護署係接納咗世界衞生組織建議，將雞鴨分流防止交叉感染，先至將我哋趕入西環密封式殺鴨，點知上年初有雞隻感染禽流感，西環嗰八百隻鴨一樣要殺，咁分流嚟做乜？樣樣嘢都係做畀市民睇，我覺得個政府好假。」
郭誌有矢言一定要光復米埔鴨池：「鴨池係呢度嘅特色，好多旅客慕名而來，好多鬼仔鬼妹走來餵鴨，好開心。」他育有兩子兩女，其中三位都留在米埔打理家族生意。九七年禽流感爆發，在周生生任職的二女提議回巢幫手：「我叫佢唔好，我哋都就快冇得撈，你重返嚟？」
記者：蔡元貴
《系列七之三》