前排飛俠哥頓胡應湘出席活動，透露會將一千二百萬股合和股份經由交易所買賣，轉送畀兒子胡文新作禮物，以示對佢出任合和董事兼營運總監嘅工作表示滿意，亦令作為一個合和股東嘅胡文新，有更親身嘅感受。
八方噚日收到合和嘅公布，哥頓已於周二以每股五個一轉售咗呢批股份予胡文新，即股份價值為六千一百二十萬元。合和噚日升一毫半，收報五個二毫半，即係胡公子帳面上已經賺咗一百八十萬。據八方聽聞，年屆六十七歲嘅胡應湘已經將合和業務交畀胡公子決定，𠵱家佢老人家只想盡早推動港珠澳大橋上馬，就可以了結心願，可以正式退休。
傳真︰2623-9278
電郵︰