陳小春前晚在紅館為處男個唱揭開序幕，他的緋聞女友Marianne、前女友張栢芝及車婉婉均有出席捧場。當中有傳翻𠝹小春的栢芝最high，興奮得企上櫈瘋狂揮動螢光棒，十分熱情。
陳小春一連兩場的處男個唱前晚在紅館開鑼，他換了七、八套服裝，又大晒苦練得來的六嚿腹肌，以勁歌熱舞饗歌迷。小春又請來羅文生前聘用的伴舞組合豹小子的阿Mike，一同唱出羅文名曲，其間小春感觸得熱淚盈眶。
台上的小春落力表演，台下的座上客亦十分精采，小春的前女友張栢芝和車婉婉並排而坐，而最近與小春傳緋聞的紅酒屋老闆娘王敏慧（Marianne）亦有前來捧場。
栢芝當晚包了兩行座位，與父親鬍鬚勇、弟弟張栢文及張豪龍等，一起欣賞小春演出。每當小春勁歌熱舞時，栢芝便情緒高漲得在座位又唱又跳，忽然又站在櫈上瘋狂揮動螢光棒，一連串的舉動儼如女主人。相反，坐在栢芝旁的車婉婉及坐於控制台附近的Marianne，表現較含蓄。
前晚小春個唱除邀得鄭伊健及陳慧琳擔任嘉賓外，更請觀眾上台玩遊戲及送香豔紅色喱士內褲給該名女fans。而谷德昭、杜汶澤和張達明亦上演一場棟篤笑，把小春的緋聞擺上枱，杜汶澤說：「啲人睇小春表面𠝹到女，實際佢成日食白果。小春𠝹啲女深層啲嘅，全部都有嚟到，有一路睇concert一路飲紅酒嘅Marianne，重有個車好遠嘅（指車婉婉）。」
谷德昭、杜汶澤和張達明又謂別小看小春出身自組合風火海，他們說：「唔好睇小風火海呀，唔係朱永棠都𠝹唔到咁多女啦。」由於栢芝以前曾與朱永棠拍過拖，當此話一出，台下的張栢文及張豪龍即激烈拍掌。
採訪：馮美茵攝影：陳偉權
