夫妻同心除了可以其利斷金之外，還可以煮出一手好泰菜。芭蕉葉特色茶座的主人翁正是一對年輕夫婦，Moky與Wingky自拍拖時就愛上泰菜，結果婚後不夠一年索性開一間自己的泰菜館，每日除可品嘗泰菜之餘，亦可以將他們創作的菜式發揮，希望多些人可以欣賞他們的愛情結晶品。
記者：陳冰麗 攝影：陳智良
Moky與丈夫Wingky由拍拖到結為夫婦，每次吵架的原因竟然是因為要搵地方食泰菜。在四年前的某日，Moky建議開一間屬於自己的泰菜館，幸好Moky身邊有一班鍾意食泰菜的朋友，同時又有從事飲食業的朋友在背後協助，Moky兩夫婦終於開創其飲食事業！
在短短三年時間，先後由做泰菜轉型做西餐，是因為一次車禍的發生。
「前兩年因為總廚嘅細佬喺泰國發生車禍，成班泰廚因此要拉大隊返泰國，喺無可奈何之下我亦唔可以勉強佢哋留低。」
為免一旦停業而難再翻生，Moky有幸得另一位做酒店的朋友相助，暫時過檔幫手，轉做西菜解決燃眉之急，雖然可以保持生意運作，但亦流失一班熟客。
大法包索晒咖喱汁
這是咖喱炒蟹的另類特別食法，將炒香的咖喱蟹，放入一個自製約6-8吋大的圓形法包中一併上碟，賣相精緻外，重有特別用意，就是可以保存蟹的溫度，而大法包亦因為吸收晒咖喱汁的香味而變得更為惹味，必食之選，日限30個。
直至今年四月尾，她再請一班泰廚，才可以再次推出泰菜，因為一次的轉型，流失了不少鍾意食泰菜的熟客仔，到重開時新舊客仔亦對我哋有些少陌生，兩夫婦一齊諗出一個辦法起死回生，就是要Moky拋頭露面，她想起當時情形：「啲熟客因為認人唔認牌，為咗吸納番啲熟客，我亦要出動派傳單，見到我，佢哋至有信心再嚟食嘢。」
嚟香港無耐，以為香港人對泰菜無咪（乜）特別喜愛，點知個個都鍾意食我煮嘅菜，令我好海三（開心）。
淋燒酒再點火
以原隻雞配合秘製的泰式香料醃製好，再將之焗至表皮香脆，放於特製的盤上令雞可以棟篤企，到客人面前再淋上泰國燒酒，點火，氣勢不凡！還可以聞到酒香四溢，食落既脆且香。少部份泰國菜館有此特色菜，但售價則不及這裏便宜，日賣25隻。
熱辣勁香最啱佐酒
類似印度薄餅，但口感香脆。是以鮮蝦膠混合芫荽、香草等，再以春卷皮夾實，將之壓扁後，再烤焗至香脆，熱辣辣又香噴噴，作為送酒小食一流。
Wingky專誠聘請五位由泰國來的廚師，他們全部只有二、三十歲左右，但不怕他們沒有經驗：「請呢班較年輕嘅泰廚主要係因為大家喺溝通上容易啲，而最重要係年輕廚師較有幹勁、有創意，因為要迎合香港人口味，而需要將地道嘅泰菜加以改良吓。」
本身不算太喜愛泰菜的我，原以為泰菜出名只有咖喱炒蟹、泰式豬頸肉等，試過這裏大廚的廚藝，令我對泰菜有另一番喜愛，特別是這裏的招牌菜泰皇蟹中寶，以大法包裝住咖喱炒蟹，令食至最後時，蟹依然熱辣辣，大廚果然想得周到。
芭蕉葉特色茶座
地址：屯門楊小坑村曾福花園20D-E地舖(山景邨景榮樓側)
電話：24569631
營業時間：11:00am-12:00mn
座位：100人
付款方法：現金或信用卡（免收加一）
交通：由荃灣或九龍可乘巴士961、66M、66、66X、57M在山景鳴琴站下車，步行大約5分鐘便可到達。